Acne vulgaris : حب الشباب

حب الشباب .. اكثر مشاكل البشرة ازعاجاً , لذلك راح احكي لكم تجربتي معها و الحلول اللي استخدمتها ..

اول شي سويته وقفت استخدام الغسول , و بديت العلاج بمنتجات طبية .. بعيد عن الخلطات و الخرابيط 

1. محلول ميداسين T :

عبارة عن محلول موضعي , سعره معقول ما يتعدا 19 ريال .. معقم يحتوي على مضاد يستخدم على مكان الحبة فقط , سائل و يجي معه راس اسفنجي يسهل استخدامه .. تُرج العلبة قبل الاستخدام و يتم المسح على مكان الحبة بلطف بدون ضغط , طبقة رقيقة من المحلول تكفي , و انتبهي يجي ع العين او الفم .. يجفف الحبوب يعقمها و لاحقاً يشيل اثرها , يستخدم مرتين في اليوم على بشرة نظيفه جافه .

2. ديفرين ادابالين :

فيه منه جل و فيه منه كريم , سعره حدود 25 ريال .. استخدمت الجل منه مرتين في اليوم ع بشرة نظيفة جافه , يجفف الحبوب و يعطي تقشير خفييف .. اما لو حابه تستخدمين الكريم فاستخدميه مع كريم مبيض مثل هاي كوين يكون الدفرين مقشر و الهاي كوين مبيض , تنخلط مع بعض و تحطينها قبل النوم في الظلام .. هاي كوين سعره 11 ريال تقريباً 

3. تابوسين :

عبارة عن حبوب مضاد عن طريق الفم , يتم تناولها قبل النوم .. بعد العشا بفترة , اذا تحسستي منه وقفيه ع طول لانه ما يناسب كل الناس .. 

4. ريكوتان او زيراكتان :

كمان حبوب عن طريق الفم , تكون كورس لمدة 6 اشهر متواصلة ما توقفين و ترجعين عشان الجسم ما ياخذ مناعه عنها , ما تصرف الا بوصفة طبية سعرها 130 الى 180 ريال , اش مفعولها ؟ تجفف دهون البشرة .. بالتالي تجفف الحبوب .. اش عيوبها ؟ تجفف كل شي مثل الشفايف موية العين و هكذا .. اش الحل ؟ الحل انك تشربين موية كثير ..

ما تقدرين تستخدمينها اذا انتي تفكرين في الحمل لانها تسبب تشوهات قوية للجنين , يعني ما تفكرين فالحمل الا بعد ما توقفين استخدام الحبوب ب 6 اشهر , لكن مفعولها حلو جداً فادتني في حب الشباب و في غيره , مثلاً كان شعري يدهن يومياً و احتاج اغسله مع الزيراكتان خفت دهنية شعري بشكل ملحوظ و خفت دهنية بشرتي بشكل عام .. 

* ملاحظة : انا استخدمت الجل الدفرين + الخلطة اللي عبارة عن كريم دفرين و كريم هاي كوين .. و فيه بديل لها من شركة افالون : افالون مبيض و افالون مقشر لها نفس المفعول .. الافضل للخلطة ما تبقى ع الوجة اكثر من ساعة او ساعتين . 

- الحبوب اللي في وجهي كانت كبيره و قوية و مع هذي الاشياء راحت في 6 اسابيع تقريباً 

- محلول المُر يعتبر مضاد و معقم وجميل جداً بس انا كنت احتاج نتايج سريعه فاعتمدت على المنتجات الطبية 

- كل الاشياء اللي استخدمتها استشرت فيها الطبيب